Koi khuda hi nahi,
Us rab-e-meharbaan ki tarha.
Koi shai nahi hai,
Ilahi teri shaan ki tarha.
Main musht-e-khaak,
Khaliq teri amanat hon.
Ho meri rah-e-safar,
Khalis imaan ki tarha.
Kabhi to soonch bani adam,
Wo rab hai kitna buland.
Kya bana sakey ga koi aur,
Zameen-o-Asmaan ki tarha.
Ye sach ke to naaseh,
Bana phirey hai Kaleem.
Per khud ko dekhley,
Aainey mey ek musalmaan ki tarha.
Poet: Kaleem Hyderabadi